სამოდელო გაკვეთილის გეგმა ქართულ ენასა და ლიტერატურაში (დაწყვილებული გაკვეთილი )
გაკვეთილების გეგმა შიგა საგაკვეთილო დაკვირვებისათვის
სამოდელო გაკვეთილის გეგმა
გაკვეთილის თემა-„ბედი ქართლისა“ და ისტორიული რეალობა(ორი სიმართლე?)
ჩატარების დრო-2017 წლის 22 მაისი
სწავლების საფეხური,კლასი-საბაზო,მე-9
საგანი-ქართული ენა და ლიტერატურა
მასწავლებელი-მედეა კალანდარიშვილი
მოსწავლეთა რაოდენობა-11
სსსმ მოსწავლე-არა
გაკვეთილის სასწავლო მიზნები: მოსწავლეები წინარე ცოდნის გამოყენებით შეძლებენ პრობლემის კრიტიკულად გაანალიზებას და სათანადო დასკვნების გამოტანას.ამისთვის ერთმანეთს შეადარებენ პერსონაჟთა პოზიციებს,ახსნიან მათი ქცევის მიზეზებს და განსაზღვრავენ მოსალოდნელ შედეგებს. პრობლემის სრულყოფილად წარმოსაჩენად აქტიურად ითანამშრომლებენ ერთმანეთთან.აიმაღლებენ სააზროვნო უნარ-ჩვევებს.
ე.ს.გ.-ით განსაზღვრული შედეგები IX.1მოსწავლეს შეუძლია მოისმინოს და აუდიტორიის წინაშე წარმოადგინოს სხვადასხვა თვალსაზრისი სადავო ან პრობლემურ საკითხებზე. IX.2 მოსწავლეს შეუძლია დისკუსიის მონაწილეთა მეტყველების მოსმენა და შეფასება საკომუნიკაციო ამოცანისა და აუდიტორიის გათვალისწინებით.
IX.5 მოსწავლეს შეუძლია დისკუსიისა და კამათის სტრატეგიების გამოყენება. IX.6 მოსწავლეს შეუძლია პრობლემურ ან სადავო საკითხებზე სხვადასხვა თვალსაზრისის შემცველი მხატვრული და არამხატვრული ტექსტების გააზრება-გაანალიზება და მათ მიმართ საკუთარი დამოკიდებულების გამოხატვა.
აქტივობა-1. „ გონებრივი იერიში“. (10წუთი) აქტივობის მიზანი: წინარე ცოდნის გააქტიურება.მოსწავლეთა გამოწვევა კითხვები და საკითხები: პრობლემა,რომელსაც ეძღვნება პოემა „ბედი ქართლისა?“ ერეკლე მეფისა და სოლომონ მსაჯულის პოზიციები.მწერლის გადაწყვეტილების, პოემაში შეეცვალა ისტორიული რეალობა,გარკვევა. როგორ ფიქრობთ,რატომ აირჩია მწერალმა სამსჯელოდ ის თემა, რომლის შედეგიც უკვე იდგა?ვის პოზიციაზე დგას მწერალი?თქვენ რომელი პერსონაჟის პოზიციას იზიარებთ და რატომ?შეიძლება თუ არა არსებობდეს ორი სიმართლე ერთსა და იმავე საკითხზე?
აქტივობა-2.გმირის რუკა. (10წუთი)
აქტივობის მიზანი:დაკვირვება-შეფასების უნარის განვითარება. აქტივობის აღწერა:მოსწავლეები ყუთიდან იღებენ წინასწარ მასწავლებლის მიერ მომზადებულ პერსონაჟთა თვისებების თითო -თითოდ ჩამონათვალს და შეუსაბამებენ გმირს.გადაწვეტილებას გაამყარებენ ტექსტური მასალით.(შეიძლება თვისება არც ერთ გმირს არ შეესაბამებოდეს)
აქტივობა-3.ჯგუფური სამუშაო.(10წუთი)
აქტივობის მიზანი:ურთიერთთანამშრომლობის კულტურის ამაღლება,ანალიტიკურ- კრიტიკული უნარის განვითარება. პრეზენტაციის უნარის გაუმჯობესება. აქტივობის აღწერა:კლასი იყოფა ორ ჯგუფად.მასწავლებლი ასახელებს ლიდერებს.აცნობს დავალებებს და განუსაზღვრავს სამუშაო დროს. პირველი ჯგუფი იმუშავებს იმ სავარაუდო მიზეზების ჩამონათვალზე, რომლებმაც გამოიწვია ერეკლეს გადაწყვეტილება.(პოემის
მიხედვით)მეორე ჯგუფი იმუშავებს იმ მოსალოდნელ დადებით და უარყოფით შედეგებზე,რომლებიც შეიძლება მოჰყოლოდა მეფის გადაწყვეტილებას.ჯგუფიდან თითო პრეზენტატორი წარმოადგენს ნაშრომს,რომელიც შეფასდება პრეზeნტაციის შეფასების რუბრიკით.
აქტივობა-4.(ინოვაციური) TV-სტუდია გადაცემით“პოზიცია“. (15წუთი)
აქტივობის მიზანი:როლების მორგების ხელოვნების დაუფლება,განსხვავებულ როლში აუდიტორიის წინაშე გამოსვლისა და დიკუსიის უნარის განმტკიცება. აქტივობის აღწერა: „ჟურნალისტს“ მიჰყავს გადაცემა წესისამებრ.აქვს პირდაპირი ჩართვის იმიტაცია მეფე ერეკლე მეორესთან.მეფესთან კითხვების დასმამდე გადის ვიდეორგოლი“ვაი,ჩვენო ქართლის ბედო“ისმენენ მეფის პოზიციას.საინტერესო კითხვებზე ღებულობენ პასუხებს. მეფის გამოსვლას აჯამებს მოსწავლე-ექსპერტი და გამოაქვს დასკვნები.გადაცემა მთავრდება პოზიტიურად,ვიზალიბერაიზაციის სლაიდით.
აქტივობა-5.შეფასება (5წუთი) განმსაზღვრელი და განმავითარებელი შეფასების გამოყენება. მოსწავლეთა თვითშეფასება და ურთიერთშეფასება.ერთობლივი მუშაობის დაკვირვების ფურცელი.პრეზენტაციის შეფასების რუბრიკა.
აქტივობა-6. „1-რამ ‘’ (2წუთი)
1-რამ ,რაც არასოდეს დამავიწყდება 1-რამ,რასაც შევცვლიდი
გაკვეთილისთვის გამოყენებული საგანმანათლებლო რესურები:
IX კლასის ქართული ენისა და ლიტერატურის და ისტორიის სახელმძღვანელო. საპრეზენტაციო ფურცლები და მარკერები. საპრეზენტაციო დაფა. „აზრების კიდობანი“-ყუთი
ვიდეორგოლი(მოსწავლის დამზადებული)
2017 წლის 22 მაისი ~
No comments:
Post a Comment